Manifest antimilitar
Pertgei quei manifest?
En tut il mund accelereschan las regenzas la militarisaziun ed il rearmament sco risposta alla situaziun geopolitica. La GSoA ei perschuadida che il rearmament tschiec dat negina sligiaziuns dallas sfidas actualas.
Per contonscher ina perspectiva da pasch persistenta duvrein nus ina vasta discussiun democratica davart in concept da segirtad globala – in concept che sebasa sin la segirtad sociala ed ecologica e plinavon sin in ferm sistem da sanadad.
Cun quei manifest lein nus mussar si co talas posiziuns antimilitaras e pacifisticas savessen veser ora. El duess porscher la pusseivladad da sefatschentar pli en detagl cun pusseivlas alternativas encunter la logica dall’uiara e mussar si vias che meinan ad ina politica da segirtad e pasch consequenta.
Pacifissem ed antimilitarissem
Il militarissem, l’intimidaziun e la dominanza attraviers armas ed armadas meinan viers ina repetiziun stedia dalla historia humana marcada dad uiara e destrucziun. Per puder mitschar da quella spirala drov’ei ina politica raschuneivla antimilitara, menada insistentamein, che creescha situaziuns da tempra exemplarica. Tgi auter che la Svizra savess seprestar ina demilitarisaziun e sededicar alla promoziun d’ina pasch mundiala persistenta ?
Armada
L’armada ei igl instrument principal dalla militarisaziun svizra che ei aunc adina il fundament da nossa ferma perschuasiun che la segirtad sebaseschi sill’armada. La sfarlatada humana, finanziala ed ecologica da resursas atras l’armada ei immensa. Ina Svizra senz’armada, che propagescha sligiaziuns civilas senza far diever d’armas ei perquei a liunga vesta aunc adina la finamira dalla GSoA.
Desarmament
Ils cuosts per il rearmament global s’augmentan dapli onns. Quei fa plascher cunzun als concerns d’armament. Tgi che vul denton pasch stat en per in desarmament consequent e pia per ina regulaziun rigurusa dil commerci d’armas, cun la finamira durabla d’in mund senza armas. Spadas dueien daventar palas criec !
Clima e conflict
Las tiaras tuccadas il pli ferm dalla crisa climatica ein ual quellas nua che la pasch ei la pli precara. Per in mund pascheivel eisi perquei necessari dad investar las milliardas da daners che vegnan actualmein duvradas per l’industria d‘armas plitost ella protecziun dil clima consequent ed en il susteniment da stadis precars en connex cun la mitigaziun dallas consequenzas dalla crisa climatica.
Feminismus und Frieden
Sicherheit ist weiblich. Deshalb brauchen wir eine feministische Sicherheitspolitik. Mehr.
Material d’uiara e plazza da finanzas
L’industria d’armament svizra promova l‘uiara perquei ch’ella furnescha material d’uiara a stadis instabils ed autoritars – savens atras vias intransparentas. La plazza da finanzas svizra subsidiescha plinavon conflicts perquei ch’ella investescha en la producziun da materials d’uiaras. En quei connex van era milliardas da francs svizzers en la producziun d’armas atomaras. Perquei s’engascha la GSoA per in scamond d’exports da material d’uiara e da sfurzar la plazza da finanzas da finalmein surprender la responsabladad.
Neutralitad
Neutralitad significescha buc serrar ils egls enviers ingiustias, mobein prender activamein posiziun per ils dretgs internaziunals e humans. En quei connex ei la neutralitad militara dad interpretar sco instrument dalla politica da segirtad e pasch. Enaquei che la Svizra separticipescha buc cun forza militara vid conflics sa ella ton meglier giugar ina rolla pli ferma e carteivla en la promoziun dalla pasch.
Architectura da segirtad
Essend ina plattafuorma globala per il commerci da materias primas ed impurtonta plazza da finanzas per fatschentas tschuffas, fuss la contribuziun pli gronda dalla Svizra per la segirtad globala da finalmein surprender responsabladad. Plinavon sa la Svizra contribuir alla segirtad d’Europa cun cuntinuar sia tradiziun humanitara e cun enfirmir las convenziuns internaziunalas ed organisaziuns multilateralas sco l’ONU ni la OSCE. In’avischinaziun alla NATO ei la via fallida.
Ich unterschreibe!
Die GSoA kämpft seit 40 Jahren dafür, die Inhalte dieses Manifests in der Schweizer Politik umzusetzen. Unterstütze uns dabei, indem du das Manifest unterschreibst! Natürlich kannst du auch direkt Mitglied werden oder spenden.
Dieses Manifest wurde in Zusammenarbeit der Regionalgruppen, der Koordination und dem Sekretariat der GSoA erstellt. Impressum.